श्री योगीराज सदगुरु भवानगिरी महाराज संजीवन समाधी सोहळ्यानिमित्त शिरभावी येथे मोफत आरोग्य शिबीर
सांगोला (प्रतिनिधी): श्री योगीराज सदगुरु भवानगिरी महाराज संजीवन समाधी सोहळ्यानिमित्त सांगोला शहरातील एमडी बालरोग तज्ञ डॉ. महावीर आलदर व आलदर हॉस्पिटल यांच्या संयुक्त विद्यमाने रविवार दि. १५ जून २०२५ रोजी श्री क्षेत्र शिरभावी, येथे सकाळी ११ ते दुपारी २ वाजेपर्यंत मोफत शिबिराचे आयोजन करण्यात आले आहे.
या शिबिरामध्ये जन्मलेल्या बाळापासून वयाच्या १८ वर्षापर्यंत रुग्ण मोफत तपासले जातील व त्याचबरोबर रुग्णांना मोफत औषधे देखील दिली जातील.
सदर रुग्णांना ऍडमिट करण्याची गरज असल्यास आलदर हॉस्पिटल, एरंडे कॉम्प्लेक्स सांगोला येथे महात्मा ज्योतिराव फुले जन आरोग्य योजना व आयुष्यमान भारत प्रधानमंत्री जन आरोग्य योजनेतून मोफत उपचार केले जातील. तरी शिरभावी पंचक्रोशीतील सर्व ग्रामस्थांनी व गरजू नागरिकांनी याचा लाभ घ्यावा. सर्व रुग्णांनी रविवार दि. १५ जून रोजी आपले सर्व जुने रिपोर्ट व फाईल्स् घेवुन श्री क्षेत्र शिरभावी येथे यावे व मोफत शिबिराचा लाभ घ्यावा तसेच अधिक माहितीसाठी ९०२९०४४००९ या नंबरवर संपर्क साधावा असे आवाहन डॉ. महावीर आलदर यांनी केले आहे.
No comments:
Post a Comment